Македонскиот вицешампион Вардар вечерва од 19 часот на Националната Арена „Филип Втори“ во Скопје, го пречекува тимот на Пјуник во реванш натпреварот од 1. квалификациско коло во Лигата на Европа.
Вардарци после првиот натпревар имаат негатива, но во последните три квалификациски натпревари во Европа кои ги играле како домаќини, излегувале како победници (против Малме, Копенхаген и Фенербахче).
Како најава за натпреварот на прес-конференција тренерот Александар Васоски потенцираше дека оваа екипа на Вардар има квалитет за да ја анулира предноста на противникот и дека треба да играат стрпливо и да не дозволат да примат гол. Играчите се полни со самодоверба дека може да се мине оваа пречка и да се избори пласман во следната рунда од Лигата на Европа.
На Вардар вечерва му треба поддршка, му требаат полни трибини. Затоа од клубот повикуваат вечерва да дојдете на стадион, и сите заедно да навиваат и да му помогнат на тимот да обезбеди учество во следната рунда. Билетите се веќе во продажба по цена од 100 МКД на билетарницата на Националната Арена.