Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Вечерва битка на гигантите за место во финалето на „Вембли“
    Фудбал

    Вечерва битка на гигантите за место во финалето на „Вембли“

    risteBy riste08/05/2024No Comments3 Mins Read
    Facebook Twitter Pinterest LinkedIn Tumblr Email

    Реал Мадрид го пречекува Баерн Минхен во уште една епска пресметка во Лигата на шампионите по минатонеделното реми 2:2 во Германија. Победникот од полуфиналниот реванш ќе се пласира во финалето на Вембли на 1 јуни.

    Реал Мадрид е незгоден противник за Баварците, бидејќи Кралскиот клуб константно го елиминираше својот ривал во последните три пати.

    Германците секако мака мачат против Реал Мадрид и на последните осум средби меѓу двете екипи имаат вкупно 6 порази и само две нерешени, иако се покажаа добро на првата средба.

    Карло Анчелоти има многу успешно скор против баварскиот гигант, со шест победи, три нерешени и ниту еден пораз во 9 натпревари против нив, а ги предводил Милан и Реал Мадрид против Баерн Минхен.

    Реал Мадрид имаше повеќе од совршен викенд бидејќи ја обезбеди рекордната 36-та титула во Ла Лига на неколку кола пред крајот по убедливата победа над Кадиз од 3:0, а Тибо Куртоа и Едер Милитао и двајцата стартуваа по опоравувањето од сериозните повреди. Покрај тоа, Карло Анчелоти ги одмори практично сите свои стартери, кои ќе бидат свежи за мега пресметката со Баерн. Единствен проблем со кој ќе се соочи Италијанецот ќе биде повредата на Давид Алаба. Причина за оптимизам за Реал Мадрид дава статистиката дека на последните пет домашни натпревари во сите натпреварувања, Кралскиот клуб постигнал најмалку два гола.

    За Баерн Минхен изминатиот викенд беше далеку од толку позитивен. Тимот загуби 1:3 на гостувањето кај Штутгарт, а загуби и поради повредата на Рафаел Гереиро, кој нема да игра. Сепак, добрата вест е дека Серж Гнабри, Лерој Сане, Матаис де Лихт и Дајо Упамекано се во подобра состојба и треба да му бидат достапни на Томас Тухел. Покрај Гереиро, тренерот на Баварците нема да може да ги користи Кингсли Коман, Саша Боје и Буна Сар.

    Баерн има само еден пораз во последните 12 натпревари против шпански тимови, дома или на гости (седум победи и четири нерешени), но уште позагрижувачки е што испадна во 6 од последните 8 елиминации против екипи од оваа земја. Германскиот гигант ризикува да остане со празни раце за прв пат по 2012 година, а Лигата на шампионите останува единствената шанса на тимот за трофеј.

    Сепак, навивачите на Баерн сè уште со задоволство се сеќаваат на 2012 година, кога нивните миленици го исфрлија Реал Мадрид во полуфиналето, откако разменија победи со 2:1 и драматична пенал серија во шпанската престолнина.

    На патот до оваа фаза, Баерн ги елиминираше Лацио и Арсенал во нокаут фазата. Реал Мадрид, пак, со одредени потешкотии елиминираше друга германска екипа – РБ Лајпциг, како и минатогодишниот освојувач на трофејот Манчестер Сити по две ремија и пенали за пласман во полуфиналето.

    Можни состави:
    Реал Мадрид: Лунин, Карвахал, Рудигер, Чуамени, Менди, Валверде, Крос, Камавинга, Белингем, Винисиус и Родриго.
    Баерн Минхен: Нојер, Кимих, Де Лихт, Дајер, Мазрауи, Горетцка, Лаимер, Сане, Милер, Мусиала и Кејн.
    Судија: Симон Марчињак (Полска)

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.