Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Вечерва нова доза на врвен фудбал од ЛШ, дербито е меѓу Барерн Минхен и Барселона
    Фудбал

    Вечерва нова доза на врвен фудбал од ЛШ, дербито е меѓу Барерн Минхен и Барселона

    risteBy riste13/09/2022No Comments2 Mins Read
    Facebook Twitter Pinterest LinkedIn Tumblr Email

    Вечерва ќе се одиграат 7 натпревари од второто коло во групната фаза на Лигата на шампионите. Нема дилема дека со најголем интерес се чека дуелот помеѓу Баерн (Минхен) и Барселона. Двата тима се гиганти на Стариот континент имаат многу стари сметки за расчистување. Баварците во последните две години забележаа три последователни победи против Барселона со вкупен резултат 14:2, но сега Каталонците се амбициозни и подготвени за одмазда, а најопасно оружје им е до неодамна суперѕвездата на Баерн, Роберт Левандовски, кој ќе се врати на „Алијанц Арена“, но сега како противнички играч.

    Во другиот натпревар од групата Ц, Интер гостува кај Викторија (Плзен) и нема простор за грешка доколку сака да не ги минимизира шансите за пласман во осминафиналето. „Нероаѕурите“ настапот во ЛШ го започнаа со пораз на домашен терен од Баерн Минхен, додека Викторија Плзен загуби со 5;1 од Барселона на „Камп Ноу“, но сигурно ќе се обидат да им покажат на своите навивачи дека нема да бидат екипа за поправање на гол разликата во оваа група.

    Ливерпул има многу проблеми од почетокот на сезоната, вклучително и во Лигата на шампионите, каде доживеа тежок пораз со 1:4 од Наполи. На „Енфилд“ вечерва Ливерпул го пречекува Ајакс со амбиција да ги освои трите бода, но нивната задача нема да биде лесна со оглед на формата на противникот, кој е во серија од 7 последователни победи во сите натпреварувања, а во последните 5 постигнаа 15 гола и ниту еден примен.
    Во оваа група натпреварот меѓу Ренџерс и Наполи е презакажан за утре.

    Во групата Д, Спортинг (Лисабон) е домаќин на Тотенхем, а двата тима бараат втора победа. Португалците во првото коло го совладаа Ајнтрахт (Франкфурт) со 3:0, а Тотенхем со 2:0 славеа над Олимпик Марсеј. Францускиот гигант го пречекува Ајнтрахт на „Велодром“ и се надева дека ќе ги израдува своите навивачи со важни три бода во Лигата на шампионите.

    Во групата Б се играат натпреварите Баер (Леверкузен) – Атлетико Мадрид и Порто – Бриж. Атлетико пред една недела дојде до драматична победа од 2:1 над Порто и денеска може да направи уште еден чекор кон осминафиналето. Порто, пак, ќе се обиде брзо да стигне до победа против Бриж, кој на стартот го победи Баер Леверкузен со 1:0.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.