Македонија го победи Косово и сега ја делат само уште 90 минути до историско учество на едно Европско првенство. Косово е зад нашите репрезентативци, а сега ќе треба да се мисли на Грузија и тоа финале кое ќе го играме на 12 ноември во Тбилиси.
И покрај тоа што направи грешка при голот на Косово, сепак успеа да собере сили, да постигне гол кој ја одведе македонија во финале, Дакро Велковски го нализираше настапот против Косово и мечот кој не чека за еден месец.
„Одигравме доста тежок натпревар. Косово отвори офанзивно, но ние први стигнавме до гол. Но, потоа се случи таа грешка, едно недоразбирање меѓу мене и Столе. Навистина не знам што се случи, двеста работи ми се свртеа в глава во тој момент. Ми беше тешко затоа што можеше таа грешка да нè чини пораз, но кога го постигнав голот не можам да го опишам тоа чувство – „ми падна камен од срцето и потоа играв многу полесно. Имавме шанси да извојуваме уште повисока победа, но немавме среќа во реализацијата. Сепак важно е што во одбраната одигравме добро и бевме смирени и не дозволивме да примиме гол. Работата ни близу не е завршена. Ни останува Грузија, натпревар за кој сите живееме и мораме да дадеме сè од нас за да го добиеме и одиме на ЕП“, изјави Дарко Велковски.

