До 30.000 гледачи дневно ќе можат да се сместат на терените во Мелбурн Парк за да ги гледаат мечевите на овогодинешниот Австралија опен, кој започнува на 8 февруари. Ова го објави министерот за спорт на државата Викторија, Мартин Пакула.
30.000 ќе биде капацитетот за почетните рунди кога има повеќе натпревари на програмата, а од четвртфиналето капацитетот ќе се намали на 25.000. Публиката ќе биде рамномерно распределена за утринските и попладневните сесии.
Планот на властите е за време на двонеделното натпреварување вкупно 390.000 гледачи да поминат на терените, што е околу 50 проценти од просечната посетеност на натпреварувањето во последните 3 години.

