Гледачите на натпреварот од бразилската Серија „А” меѓу Васко де Гама и Фламенго беа сведоци на еден нескојдневен момент. Фудбалери и на двата тима мораше да го туркаат автомобилот на амбулантата за да излезе од теренот откако автомобилот заглавил, а требало да транспортира повреден играч.
Играчот на Васко де Гама Бруно Силва ја удри главата со соиграч при скок и борба за висока топка, по што падна на земја и загуби свест. Амбулантна кола влезе на теренот за да го изнесе надвор од теренот и транспортира во болницата, но заглави на теренот на стадионот „Мане Гаринча”. Играчите на двата тима се наредија позади автомобилот и почнаа да туркаат. На крајот нивните напори резултираа со успех и амбулантна кола сепак тргна.
Натпреварот беше прекинат 10 минути и на крај заврши 1:1, а фудбалерот беше отпуштен во текот на вчерашниот ден од болницата.
„За прв пат станувам сведок на вакво нешто на теренот. Отпрвин, кога возачот не натера да туркаме, мислев дека се шегува. Но, тој беше исплашен и инсистираше да се вклучиме сите, бидејќи автомобилот не можеше да се помести. На крајот се мина нормално. Ме радува што играчот немал сериозен проблем, сепак беше важно да се има брза реакција“ изјави дефанзивецот на Фламенго Ревер.