Во градот Котија, ноќта на 7 ноември, напаѓачи се обиделе даги киднапираат девојката и новородената ќерка на бразилскиот напаѓач на саудискиот Ал-Хилал Нејмар. Ова го објави „О Глобо“.
Според изворот, околу три часот по полноќ по локално време, разбојници упаднале во куќата на мајката на девојката на поранешниот напаѓач на ПСЖ и Барселона. Крадците украле скапоцени предмети, дизајнерски чанти и часовници во вкупна вредност од околу 120 илјади долари, а прашале и каде се наоѓаат девојката на Нејмар, Бруна Бјанкарди и нивната новородена ќерка.
Еден од криминалците, 19-годишен локален жител, подоцна бил приведен. Нејмар и Бјанкарди на социјалните мрежи објавија дека се е во ред со нив и нивната ќерка.
31-годишниот Нејмар минатото лето се пресели во Саудиска Арабија односно во екипата на Ал-Хилал. На мечот за репрезентацијата на Бразил во октомври, напаѓачот заработи повреда на вкрстените лигаменти на коленото. Очекуваното време за опоравување за напаѓачот на Ал-Хилал може да биде до 10 месеци.

