Италијанскиот тим Интер на својата официјална веб-страница објави дека клубот го зафатила епидемија на коронавирусот.
Според резултатите од тестирањето, инфекцијата е откриена кај генералниот директор на „нероазурите“, Џузепе Марота , неговиот помошник Алесандро Антонело, спортски директор Пјеро Аусилио, адвокатот Анџело Капелини и еден член од стручниот штаб на тимот, чие име не беше прецизирано.
📑 | COMUNICATO
I due Amministratori Delegati, Alessandro Antonello e Giuseppe Marotta, il Direttore Sportivo Piero Ausilio, il legale del Club Angelo Capellini e un membro dello staff tecnico positivi al Covid-19
👉 https://t.co/NeVsLeSuPc#FCIM
— Inter ⭐⭐ (@Inter) February 25, 2021
Од клубот најавија дека сите ќе ги следат процедурите утврдени со здравственот протокол.Интер во моментов е лидер на табелата со 53 бода, пред најблискиот ривал, Милан кој има 4 бода помалку.
На 28 февруари Интер треба да игра против Џенова како дел од 24 коло и средбата треба да се игра на стадионот „Џузепе Меаца“ во Милано со почеток во 15 часот.

