Шефовите на Манчестер Сити се уверени дека ќе постигнат договор со Бернардо Силва и Португалецот ќе потпише нов договор со клубот. Актуелниот договор на играчот од средниот ред е до 2025 година, но од „Етихад“ сакаат да го обврзат на долг рок и веќе преговараат.
Ова е сериозна промена во ставот на Силва, кој во еден момент не се чувствуваше среќен во Манчестер и беше подготвен да го напушти „Етихад“. Неговиот менаџер Жорге Мендеш дури почна да му бара нов клуб, поврзувајќи го со Јувентус и Милан. Сепак, се чини дека сега ситуацијата е променета и Португалецот е подготвен да остане.
27-годишниот фудбалер се врати во најдобрата форма оваа сезона, откако досега запиша 29 натпревари и 8 гола.