Реал Мадрид наскоро може сериозно да ги намали платите на играчите. Според весникот „АС“, раководството на клубот има намера да ги намали платите за играчите на првиот и вториот тим, како и за членовите на тренерскиот тим за 30 % од следната сезона. Овој чекор ќе влијае на самото раководство.
Платите на другите вработени во клубот, од кои повеќе од 800 лица, нема да се променат. Во моментов, Реал Мадрид троши 283 милиони евра годишно на платите на главните играчи на тимот. Намалувањето на платите од 30 % ќе заштеди 85 милиони евра, а со оглед на намалувањето на платите на тренерите и играчите од втор тим, оваа сума ќе достигне 100 милиони евра.
Бидејќи процентуалното намалување ќе влијае на сите фудбалери подеднакво, најмногу ќе загубат најплатените играчи на „кралскиот клуб“ – дефанзивецот Серхио Рамос и напаѓачот Герет Бејл. Шпанецот и Велшанецот сега добиваат 14,5 милиони евра по сезона, а по промените ќе изгубат 4,3 милиони евра и ќе заработуваат по 10 милиони евра. Предходно беше јасно дека и вториот гигант во Шпанија, Барселона ќе ги намали платите на своите фудбалери.

