Голем број италијански медиуми објавија дека Серија А подготвила нова програма до крајот на сезоната, откако првенството беше суспендирано до 3 април поради пандемија на коронавирус.
Бидејќи има 11 случаи на заразени фудбалери од самата фудбалска лига, се чини поверојатно натпреварите да продолжат за време на викендот на 2 мај и сезоната да заврши на 30 јуни.
Така, ќе се играат девет кола во текот на викендите и уште три во средината на неделата, како и пет датуми на натпревари за европските клупски натпреварувања. Така, до крајот на сезоната, може да испадне дека некои фудбалери ќе одиграат 17 натпревари во Калчото и Лигата на шампионите или во Лигата на Европа.
Купот на Италија, каде се одиграа првите полуфинални натпревари, ќе биде жртвуван и преселен во следната сезона.