Денес во Штип беше промовирана книгата „Емил Павлов македонска спортска икона“ на авторот Кирил Манев. Оваа е 21-ва книга на авторот Кирил Манев која овој пат е наменета за кариерата на еден од најдобрите македонски каратисти и спортист кој остава траен белег во карате спортот во Македонија.
Самиот автор денес имаше можност да зборува за идеата и реализацијата на оваа книга пред бројните спортски работници и новинари кои ја следат кариерата на Емил Павлов.
Екипа на Спортското радио 90,3 ФМ беше дел од оваа промоција, а на нашиот спортист му посакуваме да има уште многу големи резултати кои ќе бидат инспирација на други автори за нивни нови спортски книги.