За разлика од бројните негативни критики за организацијата на ФИФА Светското клупско првенство, претседателот на Баерн позитивно зборуваше за годинешното издание на овој клупски Мундијал.
„Навистина ми се допаѓа турнирот. Просечната посетеност по групната фаза беше 34.000, повисока отколку во Серија А или Ла Лига, а нашите натпревари против Бока и Фламенго имаа над 60.000 гледачи, против Бенфика 34.000 и против Окленд 21.000. Секогаш играме на големи стадиони. Тоа е важно. Ако ја погледнете само Јужна Америка, ентузијазмот на навивачите за Светското клупско првенство го покажува потенцијалот на овој формат“, рече претседателот на Баерн, Херберт Хајнер.

