Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»За сигурна иднина – ново стратешко партнерство на СОС Детско село и Еуролинк осигурување
    Домашен микс

    За сигурна иднина – ново стратешко партнерство на СОС Детско село и Еуролинк осигурување

    risteBy riste18/04/2024No Comments2 Mins Read
    Facebook Twitter Pinterest LinkedIn Tumblr Email

    Еуролоинк осигурување е новиот стратешки партнер на СОС Детско село. Лидерот на пазарот на неживотно осигурување и членка на групацијата ГРАВЕ ја препозна благородната мисија на оваа организација и му се приклучи на големото семејство поддржувачи на СОС Детско село.

    „Еуролинк осигурување е одговорна и посветена компанија која во целост го поддржува општеството од кое е дел. Среќни сме што нашата поддршка се проширува и во делот на социјалната и детска заштита и ќе придонесе за подобар живот на многу деца без родители и родителска грижа, како и семејствата во ризик. Верувам дека на овој начин ќе влијаеме врз подигање на свеста за важноста на водење грижа за социјално ранливите категории и ќе поттикнеме и други компании да се вклучат со своја поддршка.“ – рече Марија Томеска, претседател на Управниот одбор на Еуролинк осигурување.

    Новото стратешко партнерство значи дека уште една компанија ја препознава и оддава признание на  заложбата и работата на СОС Детско село, но и уште повеќе, обезбедување на втора шанса за безгрижно детство на многу дечиња без родители и родителска грижа.

    „Секогаш е задоволство, но и радост кога нашето семејство расте. Ја поздравуваме иницијативата на Еуролинк осигурување и им посакуваме топло добредојде во нашето големо семејство! И ние и Еуролинк сме посветени на подобрување на животите на луѓето односно децата, сега како партнери пристапуваме кон една уште повозвишена цел – осигурување на иднина со помалку предизвици и повеќе остварени желби и соништа на оние на кои им е најпотребна поддршка, на дечињата без родители и родителска грижа. Верувам дека ќе реализираме заеднички активности под мотото „За сигурна иднина“ баш како резултат на посветеноста на Еуролинк во градењето на подобро општество за сите.“ – изјави раководителката на фондот за собирање средства и комуникации, Силвија Брајовиќ.

    Донацијата на Еуролинк осигурување ќе биде наменета за едукативна поддршка на деца од згрижувачките семејства и зајакнување на нивните социјални и комуникациски вештини.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.