Фудбалските клубови од целиот свет потрошиле рекордни 5.44 милијарди долари за нови играчи во текот на летниот трансфер период, но огромен дел од 4.21 милијарди за платени од клубовите од ТОП 5 првенствата во Европа.
Системот на ФИФА- ТМС покажува податоци дека тимовите од Англија, Германија, Италија, Шпанија и Франција дале 77,5 % од сите пари за фудбалери во периодот од 1-ви јули до 1-ви септември оваа година.
Тоа е за 6,6 % повеќе или со 3,95 милијарди повеќе за тимовите од ТОП 5. Англија очекувано е на врвот на оваа листа со потрошени 1,44 милијарди, што не е национален рекорд. Во 2017 година, премиерлигашките клубови потрошиле 1,465 милијарди долари, и покрај скратениот период за трансфери оваа година.
Италијанските клубови од Серија А потрошиле 1,004 милијарди долари, што е зголемување за 74,7 % од претходната година. Оваа сума ги прави втората најактивна лига во светот. Во Шпанија, трошењето скокна за 42,2 % или 961 милиони долари.
Во Франција движењето на стрелката е во спротивна насока. Минатата година 419 милиони долари се намалени за 37,4 %. Германија обично е помеѓу 3 и 5 и сега е последна со потрошени само 391 милион долари или пад од 31,1 %.
Во споредба со последните 5 години, трошоците за тимовите од првите 5 европски првенства речиси двојно се зголемија. Во 2013 година, износот за сите изнесуваше 2,01 милијарди долари. Во системот ТМС се регистрирани 8401 трансфери во целиот свет за трите летни месеци.