Потпретседателот на Интер Хавиер Занети, откри дека клубот не добил понуда од Реал Мадрид за капетанот Мауро Икарди.
Напаѓачот има клаузула за откуп во неговиот договор вреден 110 милиони евра, што важи за странските клубови и важи во првите две недели од јули. Во последниот трансфер период, Икарди беше поврзан со трансфер во „Кралскиот клуб”, но Аргентинецот на крајот реши да остане во Интер.
„Иркарди е наш капитен и главен играч. Тој е многу среќен во Интер. Ние не сме запознаени со интересот на Реал Мадрид. Среќни сме затоа што Интер е во добра форма и ние не сме принудени да продаваме за да продолжиме со финансиски фер плеј”, изјави Занети за весникот „Марка“.
Денес, Интер ја пречекува Барселона во групната фаза од Лигата на шампионите и легендата на клубот е оптимист.
„Очекувам многу тежок натпревар. Барселона има многу квалитети, но Интер има сè за да победи. Барса сака да ги контролира настаните и мора да ги превземем работите под наше водство. Меси? Задоволство е да се гледа на теренот, но се надевам дека ќе остане на клупата “, изјави аргентинската легенда во екипата на Интер, Хавиер Занети.