Италијанскиот Јувентус и шпанскиот Реал Мадрид денеска на Арената во Торино ќе го одиграат воведниот меч во четвртфиналето од Шампионската лига.
Двата тима пред десет месеци во Кардиф играа во финалето на минатогодишното издание а Реал ја освои титулата откако славеше со 4-1. „Бjанконерите” во Серија „А“ се лидери додека „кралевите“ ги загубија сите шанси за титулата во Примера. Јуве се повикува на традицијата бидејќи Реал нема победа во Торино од 1962 година. Веројатни состави: Јувентус: Буфон, Де Шило, Барзали, Кијелини, Асамоа, Кедира, Матуиди, Дибала, Игуаин, Даглас Коста. Реал Мадрид: Навас, Карвахал, Рамос, Варан, Марсело, Каземиро, Крос, Модриќ, Иско, Роналдо, Бензема. Главен судија: Чакир (Турција).
Германскиот Баерн Минхен вечер кај Севилја ќе се обиде да го разбие малерот кога станува збор за гостувањата во Шпанија. Баерн во четири наврати досега откако бил гостин во првиот меч не успеал да го помина противникот од Пиринеите. Иако двете екипи играат редовно во меѓународната конкуренција досега не се сретнале. Севилја: Рико, Навас, Кјаер, Ленгле, Ескудеро, Пизаро, Нзонзи, Сарабиа, Васкес, Кореа, Бендер. Баерн Минхен: Улрих, Кимих, Алаба, Хумелс, Боатенг, Мартинес, Хамес, Видал, Рибери, Левандовски и Робен. Мечот ќе го води Орсато (Италија)