Астон Вила ќе го следи статусот на вакцинација на своите трансфер цели во јануари. Ова го изјави менаџерот на тимот Стивен Жерард.
Минатата недела во Премиер лигата беа регистрирани 42 случаи на коронавирус, а два натпревари веќе се одложени поради оваа причина, Брајтон против Тотенхем и Брентфорд против Манчестер Јунајтед. Позитивни на Ковид-19 има и во Астон Вила, иако нивниот број е ограничен.
„Навистина сум импресиониран од работата на спортскиот директор Јохан Ланге и тимот околу него, кои ги следат и најмалите детали за играчите што ги идентификувавме“, изјави Жерард.
„Внимаваме на се и сигурен сум дека ќе се земе предвид и статусот на вакцинација. Сигурно ќе се разговара за време на преговорите со играчите и за тоа“, коментираше новиот менаџер на тимот од Бирмингем. Астон Вила се наоѓа на 13-тото место во табелата во Премиерлигата, а вечерва игра против последниот на табелата Норич.

