Францускиот напаѓач Оливие Жиру кој беше дел од квалификацискиот натпревар за ЕП 2024 во Германија против Ирска (1:0) успеа да собори еден рекорд во својата репрезентација.
Напаѓачот во моментот на натпреварот имаше 36 години и 178 дена. Ова го направи Жиру највозрасен играч од 2000 година кој играл за Франција на официјален натпревар, објави „Футмеркато“
Жиру го надмина легендарниот дефанзивец Лилијан Турам, кој играше за Франција на 36 години и 164 дена. Вкупно, Оливие Жиру одигра 121 натпревар за француската репрезентација, на кои постигна 53 гола.
Напаѓачот е најдобар стрелец во историјата на француската репрезентација. Жиру стана светски шампион со Франција во 2018 година на светското првенство во Русија.