Тренерот на Реал Мадрид, Зинедин Зидан го пофали својот тим за трпението кое го имале при победата од 1:0 над Хетафе во 33-то коло од Ла Лига.
Успехот беше многу вреден за Реал Мадрид, кој се оддалечи на плус 4 поени пред Барселона во борбата за титулата.
„Беше јасно дека ќе биде многу тешко за нас. Во првото полувреме, Хетафе нè притискаше многу високо и скапо нè чинеше тоа. Но, трпеливо ја чекавме нашата шанса и ја достигнавме целта. Моравме да останеме мирни и покрај нивната добра одбрана. Играчите заслужуваат честитки. затоа што натпреварот не беше лесен ниту физички ниту психички. Ова се само три бодови, но тие се многу важни. Сега имаме уште пет нови натпревари кои ќе бидат како финалиња и најважно е да се одмориме и да се подготвиме за следниот натпревар. Додека не заврши шампионатот, ништо не е сигурно“, изјави Зидан по натпреварот со Хетафе.

