Зинедин Зидан го имаше првиот тренинг со фудбалерите на Реал Мадрид по враќањето како тренер на тимот, објавија денес од страна на шпанскиот фудбалски гигант на „Твитер”.
46-годишниот Французин потпиша договор до летото 2022 година во понеделникот, заменувајќи го на функцијата Сантијаго Солари. Францускиот тренер се враќа на „Сантијаго Бернабеу“ каде претходно освои се што можеше да се освои, а аа прв пат Зидан го презеде Реал Мадрид во јануари 2016 година.
Реал е домаќин на Селта Виго на натпреварот од 28-то коло на Шпанскиот шампионат. Реал во моментов е на третото место на табелата со вкупно 51 бод. Лидер е Барселона со 63 освоени бодови.
Под раководство на Зидан Реал го освои три пати по ред трофејот во Лигата на Шампионите и еднаш стана шампион на Шпанија 2016/2017.