Возачот на Ред Бул, Макс Верстапен, победи на Големата награда на Азербејџан. Холанѓанецот немаше апсолутно никакви проблеми на патеката во Баку и не го изгуби водството во текот на целата трка. Верстапен заврши со предност од повеќе од 14 секунди во однос на второпласираниот Џорџ Расел во Мерцедес. Ова беше втора последователна победа на Верстапен по неговиот успех во Монца минатата недела и негова четврта од почетокот на сезоната. Карлос Саинц го освои третото место на подиумот.
Гран При на Азербејџан во Формула 1 се одржа во силен ветер, иако првичните прогнози за дожд не се остварија.
Трката започна со инцидент што го заврши учеството на Оскар Пјастре. Возачот на Мекларен удри во заштитните огради во првиот круг, што беше негово прво откажување во 34 трки. Заедно со него, Фернандо Алонсо исто така беше вклучен во инцидент, а двајцата беа испитани за лош старт. Алонсо за тоа доби казна од пет секунди.
Трката повторно започна во петтиот круг, а Макс Верстапен ја водеше групата, по него Карлос Саинц, Лиам Лосон, Кими Антонели и Јуки Цунода.
По оваа трка лидер и понатаму е Оскар Пјастри со 324 бода пред ландо Норис кој има 299 и Макс Верстапен со 255 бода. Кај конструкторите Мекларен е неприкосновен со 623, пред Мерцедес со 290 и Ферари кој има 286 бода, а Ред Бул со денешната победа на Верстапен има 272 бода.

