Возачот во Мото3, Ноа Детвилер, ќе мора да оди на неколку операции по страшната несреќа пред трката во Сепанг. Во соопштението објавено во неделата навечер тимот на Детвилер соопшти дека тој ќе биде подложен на повеќе операции, откако беше удрен во задниот дел од Хозе Антонио Руеда во воведниот круг на правецот помеѓу третата и четвртата кривина.
Двајцата возачи беа префрлени со хеликоптер во блиската болница. Руеда претрпе тежок потрес на мозокот, скршеница на раката и повеќекратни контузии.
„Детвилер беше однесен во болница во Куала Лумпур и ќе треба да се подложи на повеќе операции. Тој е во добри раце и ве молиме да ја почитувате неговата приватност. Во овој момент нема да споделуваме дополнителни детали. Ноа е вистински борец, а целиот тим на CIP Green Power е зад него“, се вели во тимското соопштение.

