Рекорден број луѓе се пријавиле за учество на Лондонскиот маратон во 2027 година, објави Би-Би-Си. Над 1,3 милиони лица се пријавиле за учество на настанот што ќе се одржи на 25 април следната година, со што е срушен минатогодишниот рекорд од 1.1 милион апликации.
Маратонот во 2026 година имаше рекордни 59.830 учесници и беше најголемиот годишен еднодневен настан во светот.
„Овој неверојатен број на пријавени цврсто го етаблира Лондон како најбараниот маратон во светот“, рече Хју Брашер, извршен директор на „Лондон Маратон Ивентс“.
Од сите пријавени, само околу 60.000 луѓе ќе добијат шанса да трчаат низ улиците на британската престолнина, а одлуката за среќните учесници ќе биде објавена на почетокот на јули. Местата ќе бидат распределени преку случаен избор.

