Кошаркарот на Фенербахче, Никола Калиниќ, ќе мора да оди на операција на носот, потврди денеска турскиот елитен состав.
Интернационалецот од Србија заработи скршеница на носот на наделниот меч со Дарушафака одигран во рамките на Супер лигата на Турција. Тој по немилиот настан веднаш беше префрлен во болница во Истанбул.
Во денешното соопштение на Фенер стои дека Калиниќ по операцијата ќе има посебен процес на рехабилитација под надзор на лекарскиот тим на клубот од Истанбул. Неговиот тим наредниот меч ќе го одигра на домашен терен против рускиот состав Химки во рамките на Евро-лигата.

