Со победата на Луис Хамилтон на трката за ГН на Емилија Ромања на патеката „Имола“ и освоеното второ место на Валтери Ботас, Мерцедес стигна до рекордната седма титула во серија во Ф1 шампионатот.
Со денешната победа Хамилтон исто така се доближи до освојувањето на својата седма титула, со што ќе го израмни апсолутниот рекорд на Михаел Шумахер.
На самиот старт Макс Верстапен успеа да го претекна Британецот и застана зад лидерот Валтери Ботас. Но, тоа траеше до првото влегување во боксот, кога возачот на Ред Бул ја загуби позицијата и заврши зад двата пилоти на Мерцедес, но немаше среќаи не ја заврши трката откако имаше проблемсозадната десна гума.
Хамилтон до крајот немаше проблеми да го задржи првото место и да освои нови бодови. Зад двоецот на Мерцедес на оваа трка застана Даниел Рикиардо кој го искористи излетувањетона Верстапен и обезбеди местона подиумот. Ова беше 93-та победа на Луис Хамилтон во неговата кариера.
Следна трка на Ф1 календарот е на програмата за две недели, а ќе се вози за ГН на Турција на „Истанбул Парк“.

