Во моментов јапонските власти во Сапоро изјавија дека не се подготвени да бидат домаќини на олимписките маратонски трки, пренесува Ројтерс.
Градските власти задолжени за организација на олимписките настани изјавија дека недостигот на информации за бројот на учесници, присуството и протоколот за коронавирус е причина за неподготвеноста.
Настаните на Олимпискиот маратон и маратонската трка во брзо одење се преместени од Токио во Сапоро поради можни топлотни бранови во јапонската престолнина за време на игрите. Вонредна состојба е во сила во Сапоро поради продолжување на порастот на инциденцата на коронавирус.
На 5 и 6 август се планирани натпреварите во брзо одење во Сапоро, а на 7 и 8 август маратоните.

