Јутјуберот, Логан Пол, објави дека ќе престане да боксува. Популарниот блогер ја објави веста во интервју за – „Fox Business“. Тој додаде дека ќе се фокусира на настапите во борењето во „WWE“ организацијата.
„Мислам дека се повлекувам од боксот. Направив доволно во тој спорт. Сега ќе бидам борач“ – изјави Американецот кој пред само еден месец го победи ММА борецот Дилан Данис во боксерски меч во Манчестер.
Пол имаше и ревијален меч со легендарниот боксер, Флојд Мејведер, кој заврши без победник.