По победата над Загреб и поразот од Пари Сен Жермен, ракометарите на Еурофарм Пелистер вечерва во преполната сала „Боро Чурлевски“ во Битола го пречекуваат дански ГОГ на меч од 3. Коло во најсилното европско натпреварување. Охрабрени од првите две престави и одличниот ракомет, битолчани се надеваат дека вечќерва ќе ја остварат и втората сезонска победа.
Македонскиот репрезентативец Петар Атанасијевиќ, пред дуелот со Данците изјави:
„Се подготвуваме максимално. Играме против млада екипа која што игра скандинавски ракомет. Сме се соочиле со такви екипи, и сме минувале и добро и лошо. Ќе го дадеме нашиот максимум, како што беше на натпреварите со Загреб и ПСЖ. Сакаме да извојуваме победа и да ги израдуваме нашите фанови особено „Чкембари“ кои што слават роденден од 40 години. Сите веруваме во чуда и на натпреварите даваме по 200% и секогаш ќе се бориме до крај – до последните минути“, рече левото крило на „пелистерци“.
Натпреварот вечерва во Битола стартува во 20.45 часот.

