Ракометниот состав Еурофарм Пелистер ќе аплицира за вајлд-карта за Лигата на шампионите за наредната сезона.
Досега сигурни учесници се: ПСЖ, Кил, Вардар, Веспрем, Барселона, Келце, Алборг, Загреб, Порто и Фленсбург што значи дека остануваат уште шест празни места кои ќе бидат пополнети со специјални покани.
Бидејќи Битолчани ги исполнуваат сите услови што ги поставува ЕХФ, тогаш реално може се надеваат дека ќе ја остварат целта и дека преку административен пат ќе влезат во елитната конкуренција за наредната сезона.

