Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Ракомет»Чупиќ: „Вардар е секогаш фаворит на домашен терен, сакаме да ги поправиме грешките и да победиме“
    Ракомет

    Чупиќ: „Вардар е секогаш фаворит на домашен терен, сакаме да ги поправиме грешките и да победиме“

    risteBy riste17/11/2025No Comments2 Mins Read
    Facebook Twitter Pinterest LinkedIn Tumblr Email

    Ракометарите на Вардар утре ќе го дочекаат Кристијанштад во еден од клучните натпревари од групната фаза на Европската лига на ЕХФ. Откако минимално загубија на гости кај Швеѓаните, сега вардарци треба да победат за да се вратат на првото место во групата кое носи поволности понатаму. 

    На прес-конференцијата денеска зборуваше тренерот Иван Чупиќ. 

    „Нè очекува реваншот со Кристијанштад, откако загубивме таму со еден гол разлика. По пораз се преиспитувате и анализирате, имавме добри тренинзи иако немавме доволно време поради натпреварите. Одиме на победа пред нашата публика во „Јане Сандански“. Секогаш мора да важиме за фаворит, ги повикувам навивачите да направат вистинска атмосфера и со победа да се избориме за првата позиција. Пред се, мислам дека нападот со игра „шест на шест“ беше добар, но имавме доста технички грешки во транзиција и со трчањето. Сите скандинавски екипи како и Кристијанштад, прават резултат на грешките на противникот. Една од главните работи кои ги договаравме е поголема дисциплина во трчањето, бидејќи тука мора да се подобриме најмногу за добар резултат. Се посветивме повеќе на тоа и мислам дека тоа може да ни помогне.

    Оваа група е израмнета, Сесвете забележа добри резултати и има свој квалитет, па сигурно нема да се предаде. Можеби сега делува дека Тулуз е во загубена ситуација, меѓутоа ништо нема да се знае до последното коло. Ние гледаме тоа што е до нас, да победиме уште еднаш на домашен терен и да се вратиме на врвот. Потоа чекор по чекор да одиме на последните два меча. Од Кристијанштад загубивме по долга серија без пораз, а сега сакаме да се вратиме. Секогаш калкулираме и за иднината, ама во оваа фаза на натпреварувањето никој не може ништо да гарантира. Мора да играме, да напредуваме и да се поправиме. По зимските подготовки очекувам дека Вардар ќе биде најдобар што може да биде од февруари до јуни, а за што тоа ќе биде доволно – ќе видиме. Свесен сум каде дојдов, а Вардар мора секогаш да победува. Ова е тим во кој дури и ако имаме само шест подготвени играчи мора да оди на триумф“, изјави Иван Чупиќ. 

    Вардар утре го пречекува Кристијанштад во СЦ „Јане Сандански“ во терминот од 18:45 часот, а „црвено-црните“ очекуваат максимална поддршка од трибините.

    Моментално Кристијанштад е лидер во групата Ф со пет бода, додека Вардар има четири.

    Share. Facebook Twitter Pinterest LinkedIn Tumblr Email

    Related Posts

    Јака Малус на крајот на сезоната заминува од Вардар?

    15/11/2026

    Во меч со пресврти: Вардар славеше на дербито со Алкалоид

    14/11/2026

    Валах останува во Вардар до 2028 година

    13/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.