Актуелниот светски шампион Франција загуби од селекцијата на Данска во првото полуфинале на СП и не успеа да се пробие до мечот кој значи можност за одбрана на тронот. „Триколорите“ кои беа светски шампиони од последните две изданија, денеска одиграа очаен меч и загубија убедливо со 38:30.
Данска умешно ја користеше секоја шанса во нападот, а со брзата и подвижна одбрана им оставаше малку простор на „триколорите“ за чисти погодоци. На полувреме се замина со предност за скандинавците од 21:15, а истата продолжи да се зголемува и во второто полувреме.
На крајот Данска славеше со 8 гола разлика и сега ја чека разврската од дуелот меѓу Норвешка и Германија. Хансен со 12 гола беше најефикасен на мечот, а кај Франција Мае постигна 8 погодоци.