И со своите 40 години, Ману Џинибили продолжува да прави историја во НБА. Синоќа ветеранот постигна 16 поени за да му помогне на Сан Антонио да остане во плеј-офот по успехот со 103:90 и намалување на предноста на Голден Стејт на 3:1.
Овој триумф сепак се покажа историски, бидејќи Аргентинецот и Тони Паркер станаа соиграчите со најмногу победи во плеј-оф средбите од НБА лигата, ова беше нивна победа број 132.
„Бевме амбициозни и се преставивме добро и покрај тоа што бевме во тешка ситуација. Имавме потреба за оваа победа и сега треба да се подготвиме за натпреварот број 5″ рече Џинобили, кој постигна 10 од своите поени во последните 6 минути, кога “Спарси“ успеаа да го направат решавачкиот чекор до победата. Нивната задача, сепак, останува тешка, бидејќи губат со 1:3 во пресметките со Голден Стејт.
Ману, по овој натпревар успеа да влезе во друштво на Џон Стоктон и Карл Мелоун како се единствените 40-годишни играчи со најмалку 15 поени и 5 асистенции во плеј-оф дуел. Тој е во топ 3 според постигнати тројки во плеј-офот, откако го помина Реџи Милер и веќе има 321 постигната тројка.