Европската ракометна федерација (ЕХФ) ги одреди сите термини за одигрување на натпреварите на претстојното Европско првенство за жени, на кое еден од домаќините е и Македонија. Скопје, односно СЦ „Борис Трајковски“ ќе биде местото каде ќе настапува Македонија, а сега се познати саатниците за трите натпревари.
Македонија добие тешка група, па ќе игра со Франција, Холандија и Романија. Турнирот за нашата репрезентација стартува против Франција на петти ноември во 18:00 часот, по два дена во истиот термин игра со Холандија и на деветти со Романија.
Распоред на натпревари на Македонија на ЕП:
05.11.2022 – Франција – Македонија (18:00 часот)
07.11.2022 – Македонија – Холандија (18:00 часот)
09.11.2022 – Македонија – Романија (18:00 часот)
Покрај Македонија, домаќини на Европското првенство ќе бидат и Словенија и Црна Гора. Првенството ќе започне со натпреварите во Љубљана и Целје од групите А и Б.
