Извршниот комитет на Европската ракометна федерација (ЕХФ) донел одлука за доделување на парични средства за екипите кои беа исклучени од учество во завршницата на годинешното издание на Лигата на шампионите и во машка и во женска конкуренција.
Клубовите кои имаа обезбедено пласман во осминафиналето на ЛШ, меѓу кои и европскиот шампион Вардар, беа лишени од можноста да се борат за место на Ф4 турнирот. Од солидарниот фонд, ЕХФ обезбедил сума од 250.000 евра како надокнада за клубовите кои загубија шанса да се борат за европската круна.
Исплатата на средства од по 25.000 евра по клуб стапува во сила и во Лигата на шампионите кај дамите за четирите клубови кои ја пропуштаат можноста да се квалификуваат за Ф4 турнирот во Будимпешта.