РК Еурофарм Пелистер денес информираше дека ракометарот Цветан Кузманоски го продолжи договорот со клубот до јуни 2025 година.
Ова е остварување на уште една зацртана цел на клубот, а од таму веруваат дека довербата во репрезентативец како Кузманоски е важен чекор за растот на клубот. 22-годишниот стружанец ја игра третата сезона во Битола, откако дојде од матичната Струга. Од оваа сезона е член на Еурофарм Пелистер, откако претходно се наметна во Еурофарм Пелистер 2.
Самиот Цветан Кузманоски е задоволен од неговиот настап во екипата:
„Ова е моја трета сезона во Битола. Задоволен сум, се навикнав на оваа средина. Голем напредок во кариерата ми е што се префрлив во првиот тим, стигнав и во репрезентација и се надевам дека оваа сезона ќе ја оствариме нашата цел, да ги донесеме титулите во Битола“ рече Кузмановски.