Екипата на Еурофарм Пелистер донесе уште едно засилување во својата екипа и потпиша со ракометар од Данска. Нов член на македонскиот шампион е Андреас Јохан Нилсен, 25-годишен пивот кој доаѓа од данскиот ракометен шампионат.
Пред да потпише со Еурофарм Пелистер, пивотот го носеше дресот на Морс, и Нордсјеланд, а има свои настапи и во младинските категории на данскиот национален тим.
„Еурофарм Пелистер ја известува јавноста дека кон своето спортско семејство приклучи нов член. Нашата мала данска колонија ќе биде побогата за уште еден ракометар. Андреас Јохан Нилсен потпиша договор на една сезона, со опција за продолжување за уште една ако двете страни дадат согласност. 25-годишниот дански кружен напаѓач доаѓа во Македонија од данскиот прволигаш Морс, висок е 198 сантиметри, тежок 107 килограми и со своите настапи во земјата на светскиот првак во последните неколку години значително се наметна. Особено задоволство ни е што покрај Кисум, нашиот дрес ќе го носи уште еден дански ракометар во сезоната 2023/24, незаборавајќи ги убавите денови кои во нашата земја ги минаа Себастијан Хенеберг и Ларс Валтер“, велат од Еурофарм Пелистер.
Официјалното претставување на Нилсен е предвидено по почетокот на подготовките во Битола“, се вели во соопштението на битолскиот клуб. Пред Нилсен, договорот со пелистерци го продолжи и Каспер Кисум.