Ракометарите на Еурофарм Пелистер си ја заврши работата и во Словачка и со убедлива победа над Татран Прешов (26:36) обезбеди ново учество на завршниот Ф4-турнир во регионалната СЕХА-лига.
Екипата на Еурофарм Пелистер во полуфиналето ќе се сретне со подобриот од четвртфиналето меѓу Партизан и Веспрем (првиот натпревар го доби Партизан со 39:24).
Словачкиот првак играше со комбиниран тим и на реваншот и уште еднаш е празен од Еурофарм Пелистер, а тренерот Александар Јовиќ за Прешов замина без неколку првотимци, но и тоа не беше пречка младите да се покажат на дело и да дојдат до нова убедлива победа. Се беше решено од почетокот на натпреварот кога Еурофарм Пелистер дојде до предност од 3:10, па 5:13 за на одмор да заминат со предност од 10:20.
Во вториот дел се беше рутина и задржување на високата предност која на крајот беше исто така 10 гола разлика (26:36).
Најдобар кај победничкиот тим беше Ненад Костески со 11 гола, пред Дарио Стевановиќ со седум постигнати гола, додека Жарко Пешевски погоди пет пати. Кај голманите Кизиќ имаше девет одбрани, а Ристевски три.
Кај Татран, Рабек пак имаше одличен меч со 12 гола, додека Касаткин стрелаше успешно седум пати.
По овој успех во двомечот со Татран Прешов, втора сезона по ред Еурофарм Пелистер ќе игра на Ф4-турнирот во СЕХА. Минатата сезона во полуфиналето битолчани загубија од Веспрем, а во мечот за третото место славеа против Нексе Нашице.