Кошаркарите на Голден Стејт ја добија „мајсторката“ со Хјустон и тоа на теренот на противникот со 92:101 и се пласира во големото финале на НБА лигата, каде по четврти пат по ред ќе играат против Кливленд и неговата прва ѕвезда Леброн Џејмс.
Актуелниот шампион, Голден Стејт уште еднаш одиграа најдобро кога беше најпотребно, и покрај тоа што Хјустон на полувреме имаше предност од 54:43, но сепак пресудна за победата на „воините“ беше третата четвртина, која ја добија со фантастични 33:15 и направија пресврт во резулатот. Во продолжение се беше во знакот на екипата на Голден Стејт кои не ја пропуштија шансата за победа и пласман во финалето.
Најефикасен кај победничката екипа на Голден Стејт беше Кевин Дурант со 34 поени, а го многу важни за победата беа и поените на Стеф Кари кој реализираше 27 поени од кој 14 во третата четвртина. Кај Хјустон, Џејмс Харден постигна 32 поени, но неговата екипа не успеа да дојде до посакуваната победа.
Финалната серија започнува со првиот меч кој се игра на 1 јуни, на теренот на Голден Стејт кој е голем фаворит за освојување на нова титула.