Проблеми за екипата на Вардар и тренерот Парондо, а причината за тоа е потврдата на левиот бек на екипата, Сергеј Горбок кој во следните неколку месеци ќе отсуствува од натпреварите поради повреда.
Последните прегледи на коленото покажале скинати лигаменти што ќе го одвојат Горбок од теренот на подолг период , а тоа значи дека нема да може да настапува во СЕХА лигата, како и во Лигата на шампионите.
Горбок се повреди во саботата на тренинг, а неколку денови се чекаше прво да се намали отокот за да може да се извршат потребните лекарски прегледи. Мaгнетната резонанца покажа дека се работи за повреда на лигаментите, што претставува лоша вест за тренерот Парондо кој веќе има неколку повредени играчи.
Во моментов надвор од комбинација се голманот Даниел Ѓорѓески, а скршеница на дланката има Стојанче Стоилов кој ќе паузира неколку недели. На списокот на повредени беа и Игор Карачиќ и Вуко Бозоран кои ги санираа своите повреди. Сергеј Горбок се врати во Вардар по две годишна пауза, а на позицијата лев бек игра заедно со Вуко Борозан.