Со полетна игра и константна предност во сите 60 минути, македонската ракометна репрезентација го победи Катар со 39:34 и ја оствари втората победа на Светското првенство во Хрватска. Денеска во 2. коло од главната фаза во Вараждин, момците на Кире Лазаров покажаа дека ниту еден од претходните резултати на овој Мундијал не бил случаен.
Оваа генерација покажува дека има сериозен квалитет, а тоа и резултатски се потврди на денешниот дуел. Македонија тотално го порази тимот на Веселин Вујовиќ и сега останува во трка за пласман имеѓу 13 и 16 место на ова СП.












На денешната средба скоро сите ракометари во списокот на Лазаров се запишаа во листата на стрелците, што исто така е куриозитет. Единствено Павле Атанасијевиќ не погоди. Најефикасни беа Кузмановски и Пешевски со по 6 погодока. Митев и Костески постигнаа по 5.
В сабота од 20.30 во Вараждин ќе го одиграме и последниот меч во оваа група против големиот фаворит Франција.

