Селекторот на репрезентацијата на Данска, Николај Јакобсен ќе се обиде да сочува дел од играчите за следните натпревари кои ја очекуваат неговата селекција на Европското првенство на последниот меч од групната фаза против Македонија.
Данска е голем фаворит за побеата на оваа средба, а поради тоа селекторот се одлучи да им даде одмор на неколку ѕвезди, а во текот на натпреварот ќе се обиде да го разигра целиот тим од клупата на резерви.
„Секогаш сум поддржувач на штедењето на сили. Ако можеш да заштедиш, направи го тоа затоа што ќе ти треба подоцна. Дали чини нешто? Не верувам дека е така. Има толку многу смиреност и самодоверба во тимот овде што ако играме лош натпревар, веројатно ќе бидеме конкурентни за победата. За нас е важно да влеземе и да го направиме она што треба да го направиме против Македонија. Мора да играме натпревар во полн ек и да играме за да победиме“, истакна Јакобсен.
Македонската ракометна репрезентација по двата порази на стартот ќе го заврши настапот на ЕП,но сепак се надеваат дека со добра игра ќе се простат од овој шампионат.

