Српскиот кошаркар Никола Јокиќ планира да остане во Денвер Нагетс, а следното лето би можел да потпише петгодишен договор вреден речиси 360 милиони долари, со што би станал најплатениот играч во историјата на НБА-лигата.
Според информациите на американскиот новинар Кевин О’Конор, Јокиќ решил засега да не го продолжува актуелниот договор, бидејќи со чекање уште една година би можел да заработи околу 80 милиони долари повеќе.
Во новиот договор се очекува да биде вклучена и посебна клаузула против размена (no-trade clause), која би му овозможила на српскиот центар да го контролира евентуалното заминување од Денвер.
„Мојата идеја и желба е да останам во Денвер засекогаш. Веројатно ќе потпишам следната година. Моето желба е да играм во Денвер до крајот на животот, а од нив зависи дали ќе ми понудат договор“, изјави Јокиќ.
Трикратниот МВП на НБА-лигата на тој начин уште еднаш ја потврди желбата кариерата да ја заврши во дресот на Денвер Нагетс.

