Македонската кошаркарска репрезентација синоќа во Гевгелија ја совлада Норвешка со 58:36 во рамките на третиот натпревар од втората рунда на претквалификациите за Евробаскетот 2025. По мечот, селекторот Александар Јончевски, вели дека е комплетно задоволен од играта на сите кошаркари кои беа на паркетот.
„Успеавме да ја стопираме нивната транзиција, а и позицијата од каде најчесто ги постигнуваа нивните поени. Тоа е заслуга на енергијата, на ангажираноста и на одличната одбрана благодарејќи на која не моравме да форсираме во напад. Ни одговараше тој тип на игра, иако постигнавме под 60 поени, но и тоа ни одговара овој конечен резултат. Задоволен сум од играта на Шорц. Осумте поени не се значајни во статистиката, но и осумте асистенции покажаа дека е одличен организатор на игра каков и што ни требаше. Изненади и во делот од одбраната каде што беше крајно ангажиран и дисциплиниран. Генерална оценка е дека сум задоволен. Големо признание треба да им се одадде на сите играчи кои досега победија“, вели Јончевски.