Кире Лазаров, кој е најдобар стрелец во нашиот табор по три кола на Мундијалот во Германија и Данска, вели дека е анализиран вчерашниот меч со Хрватска и дека сите недостатоци во нашата игра ќе мора да се елиминираат. Капитенот в пресрет на дуелите со „Фуријата“ и Исланѓаните, потсети дека историјата ни се повторува.
„Ако паметите на собирот Франција бевме во иста ситуација кога во рок од 17 часа игравме најпрвин со Шпанија а потоа и со Исланд. Со Шпанците париравме одлично а потоа ремизиравме со Исланд и го обезбедивме третото место на табелата. Тогашги загубивме Манасков и Миркуловски кои се повредија и не можеа да настапат во осминафиналето со Норвешка“ – потенцираше Кире Лазаров.
„Ние му веруваме на Раул и ќе ги слушаме неговите совети. Чест е да се работи со таков стратег. Имаме уште два меча и ќе се обидеме да победиме“ – изјави меѓу другото нашиот капитен.