Женската кошаркарска репрезентација на Македонија, вечерва (21.30 ч.) против Португалија ги започнува квалификациите за ЕП. Прв противник е силната португалска селекција, против која капитенот Анџелика Митрашиновиќ очекува добар настап.
„Очекувам да одиграме две добри средби и да го покажеме квалитетот кој го прикажавме на оној натпревар против Босна и Херцеговина на гостински терен. Тоа значи борбеност, оставање срце на терен и доста квалитетна игра. Прв ривал ни е Португалија, знаеме за каква репрезентација се работи, потоа ни следи Србија. И двете селекции играат доста агресивно. Се надевам дека ќе бидеме коректни, на двете страни од теренот и ќе забележиме позитивен резултат“, вели репрезентативниот бек.