Селекторот на машката ракометна репрезентација на Македонија, Кирил Лазаров, денеска го објави поширокиот список на играчи за квалификациските натпревари против Португалија во циклусот за ЕП 2024 кои се играат во месец март.
Сениорите во рамки на ЕХФ неделата ќе одиграат квалификациски натпревари против селекцијата на Португалија. Првиот натпревар ќе го оддиграат на домашен терен на 9 март со почеток во 19:00 часот, а потоа на 12 март гостуваат во Португалија, натпреварот ќе се одигра во градот Порто со почеток во 18:30 часот.
Интересно е тоа што меѓу повиканите ракометари од последниот список на Светското првенство ги нема долгогодишните репрезентативни крила кои во моментов се дел од РК Вардар, Дејан Манасков и Гоце Георгиевски.
Сениорската машка репрезентација на Македонија е дел од група 1 заедно со репрезентациите на Португалија, Турција и Луксембург во квалификациите за пласман на Европското првенство кое ќе се одржи во период од 10 – 28 јануари 2024 година во Германија.