Ракометната селекција на Македонија вчера дојде до третата победа во подготовките за Европското првенство откако го совлада Израел во првиот од двата планирани меча со 31-28. За денеска е закажана и втората контрола во Скопје.
По вчерашниот прв меч, селекторот Лазаров даде своја оценка на средбата и досегашниот дел од подготовките.
“Искрено да ви кажам дека ме изненади Израел. Иако доста го анализиравме, гледавме доста материјали. Имаат квалитетни играчи, имаат систем. Имавме и слаби страни, имавме и добри страни. Првпат сме, така да кажам комплетни. Добро ни дојде што победивме, резултатот е позитивен. Имаме доста време да поправиме некои работи, а овие играчи кои што дојдоа Миркуловски, Кузмановски и Пешевски ќе ни се приклучат. Остануваат уште седум – осум дена да тренираме комплетни и да ги поправаме тие недостатоци кои се покажаа на овој меч“, потенцираше Лазаров.
Селекторот потврди дека младиот бек Митев се повреди на загревањето и најверојатно нема да патува на ЕП.

