Кошаркарската репрезентација на Македонија вечерва ќе ја пречека Словачка во натпреварот од второто коло на претквалификациите за Евробаскетот во 2025 година. По трилер завршницата во Нествед и победата над Данска, пред избраниците на селекторот Александар Јончевски е уште еден предизвик, начен Словачка.
За вториот меч во квалификациите, во тимот се враќа и Бобан Стајиќ кој имаше мала повреда и беше поштеден за мечот во Нествед. Освен оваа, нема да има промени во составот, па Јончевски со сите сили ќе се обиде да ја надиграме и победиме Словачка.
Словаците во првото коло на домашен терен убедливо загубија од Норвешка и тоа со убедливи 68:87. Македонија и Словачка се среќаваа во четири наврати во последните неколку циклуси квалификации за Европските и Светските првенства. На три од тие четири пресметки, македонските кошаркари беа подобри. На последниот во Скопје во август минатата година Словаците славеа со 72:88, па ова ќе биде добра шанса за реванш на нашата селекција.
Натпреварот меѓу Македонија и Словачка е закажана за вечерва во СРЦ „Кале“ со старт во 19:00 часот.