Младата македонска ракометна репрезентација испушти огромна шанса за да ја забележи првата и можеби најзначајна победа на Светското првенство, откако испушти предност од пет гола на полувремето и загуби од селекцијата на Романија со резултат 28:27.
Првото полувреме започна со наизменично на водството на двете селекции, Романците беа подобри во воведните минути, но потоа избраниците на Раде Стојановиќ заиграа далеку подобро во одбраната и успеаја да направат две добри серии, со кои се направија разлика која на крајот на првиот дел беше пет погодоци позитива (17:12).
Романија не се предаваше лесно, се одржуваше на пристојна негатива, а потоа следуваше мала криза во нападот, не искористивме 2-3 шанси за гол, Романците тоа го казнија и дојдоа до негатива од 23:22. На девет минути до крајот резултатот беше израмнет (24:24).
До крајот се играше изедначено , за Романијада погоди на 40 секунди до крајот, гол со кој дојде до победа од 28:27.
Најдобар поединец кај Македонија беше Димитар Узунчев со седум гола, а во победничкиот табор најмногу се истакна Даниел Станчиуч, кој запиша дури тринаесет погодоци.
ФОТО: ИХФ

